Transmenu powered by JoomlArt.com - Mambo Joomla Professional Templates Club

Seyðisfjarðarkaupstaður auglýsir eftir starfsmanni í 75% starf í heimilishjálp frá og með 1. júní 2013. Um er að ræða möguleika á framtíðarstarfi. Heimilishjálp er margþætt starf og felur meðal annars í sér aðstoð við mismunandi þrif og félagslega samveru við einstaklinga. Starfið er mjög gefandi og hentar báðum kynjum. Smellið á lesa meira til að sjá alla fréttina.

Bæjarskrifstofur Seyðisfjarðarkaupstaðar auglýsa eftir bókara til starfa í 80% stöðugildi á tímabilinu frá 08:00 til 17:00 frá og með 1. júní nk. Leitað er að einstaklingi með mikla reynslu af störfum við bókhald og afstemmingar og þekkingu á bókhaldi. Smellið á lesa meira til að sjá alla fréttina.

Halldóra Malin Pétursdóttir leikkona, Ingibjörg Grétarsdóttir stílisti og Margrét Guðjónsdóttir kennari, eru búkonur í nýrri lífstílsverslun á Seyðisfirði, sem ber nafnið Gullabúið - hamingja fyrir heimili. Opnun búsins verður laugardaginn 18. maí, frá 12-18 að Norðurgötu 8, í 100 ára gömlu húsi í hjarta bæjarins. Í Gullabúinu fæst seyðfirsk hönnun & handbragð, húsmunir og húsgögn, í bland við alls konar gersemar með fortíð. Einnig er boðið upp á innanhússráðgjöf og stíliseringar fyrir heimili og fyrirtæki. Gullabúið er sannkölluð gullkista fyrir þá sem vilja færa heimilinu smá skvettu af hamingju og upplifa um leið, huggulega fortíðarstemmingu í einstakri og fallegri búð.

Ágætu Seyðfirðingar nær og fær. Í tilefni af 100 ára afmæli Hugins, sem haldið verður helgina 28.-30. júní, hefur verið ákveðið að halda sýningu á fatnaði og öðrum varningi merktum Huginn. Einnig er ætlunin að hafa á sýningunni muni sem tengjast sögu Hugins á einn eða annan hátt. Þeir sem eiga og eru tilbúnir að lána á þessa sýningu muni eða föt eru beðnir um að hafa samband við Gullu í síma 849-3381 eða Birnu í síma 868-5373. Einnig minnum við á að enn er hægt að koma myndum til Sófusar. Myndirnar þurfa að vera í merktu umslagi.

Með von um jákvæðar undirtektir,
Minjanefnd afmælisnefndar Hugins.

9. og 10. bekkur Seyðisfjarðarskóla ætla að halda kökubasar í Samkaupum-Strax föstudaginn 17. maí frá klukkan 14.30 og á meðan byrgðir endast. Ágóðinn rennur í ferðasjóð krakkanna sem eru að fara til Danmerkur í næstu viku. Fyrstir koma, fyrstir fá.